Düzgün.az xəbər verir ki, bu gün şəhid Xəyal Məmmədovun atası Ağabəy Məmmədov 75 yaşında ürək tutmasından vəfat edib.
O, yaşadığı Şəki şəhərində dəfn olunacaq.
Qeyd edək ki, Xəyal Məmmədov Vətən müharibəsində Cəbrayıl, Hadrut, Füzuli, Zəngilan və Qubadlı uğrunda gedən döyüşlərdə iştirak edib. 2020-ci il oktyabrın 20-də Qubadlı döyüşlərində snayper gülləsinə tuş gələrək şəhidlik zirvəsinə ucalıb. Ölümündən sonra “Vətən uğrunda”, “Qubadlının azad olunmasına görə”, “Cəbrayılın azad olunmasına görə” medalları ilə, 3-cü dərəcəli “Vətənə xidmətə görə” ordeni ilə təltif edilib.