Düzgün.az xəbər verir ki, ABŞ Hərbi Hava Qüvvələrinə məxsus üç “B-1B Lancer” strateji bombardmançı təyyarəsi Norveçdəki Orland aviabazasına çatıb.
Bu barədə NATO-nun Müttəfiq Hava Qüvvələri Komandanlığı (AIRCOM) öz saytında məlumat yayıb.
Təyyarələr ABŞ-nin Texas ştatındakı Dyess Hərbi Hava Qüvvələri bazasından havaya qalxıb.
Norveçdə olarkən ABŞ bombardmançıları Norveç “F-35″ləri və NATO-nun digər təyyarələri ilə yanaşı, yüksək təhlükə mühitində təcrübə keçəcək, axtarış, identifikasiya, izləmə və hədəfləmə bacarıqlarını təkmilləşdirəcək, müttəfiqlərin rəhbərlik etdiyi bir sıra missiyalarda iştirak edəcəklər.