Düzgün.az xəbər verir ki, “Talassemiyasız həyat naminə” proqramı çərçivəsində 21 may tarixində Zaqatala Rayon Mərkəzi Xəstəxanasınnın Cərrahiyə Korpusunda təşkil edilən növbəti qanvermə aksiyası zamanı könüllü olaraq müraciət etmiş 400-ə yaxın rayon sakininin 182-dən qan götürülüb.
Respublika Qan Bankının həkim briqadası tərəfindən həyata keçirilən aksiyanın əsas məqsədi talassemiya və hemofiliyalı xəstəliklərdən əziyyət çəkən insanlara kömək göstərmək, onlara dəstək olmaqdır.
Aksiyada rayonun ayrı-ayrı qurumlarının əmək kollektivləri, həmçinin sadə vətəndaşlar fəal iştirak ediblər. Toplanan qan laboratoriya müayinəsindən keçirildikdən sonra Respublika Qan Bankına təhvil veriləcək və irsi qan xəstəliklərindən əziyyət çəkən insanların müalicəsində istifadə olunacaq.
About the Author
