Düzgün.az xəbər verir ki, Azərbaycan Respublikasında əhalinin sağlamlığının qorunması,xüsusən də irsi xəstəliklərinin profilaktikası və müalicəsi dövlət siyasətinin prioritet istiqamətlərindəndir. Azərbaycan Respublikasının Prezitenti Cənab İlham Əliyev tərəfindən donorluğun və qan xidmətinin inkişafına dair xüsusi sərəncamlar imzalanmış, bu sahədə müvafiq qanunlar qəbul edilmişdir.
Eləcə də Heydər Əliyev Fondunun “Talassemiyasız həyat naminə” proqramı 20 ildən çoxdur ki, ölkəmizdə minlərlə insanın həyatına ümid, gələcək nəsillərin sağlam böyüməsinə real təminat bəxş edir. Azərbaycan Respublikasının Birinci vitse-prezitenti, Heydər Əliyev Fondunun Prezidenti Mehriban xanım Əliyevanın ağır xəstəliklərdən əziyyət çəkən şəxslərə həssas münasibətin bariz nümunəsi olan proqramın mahiyyəti yalnız mövcud xəstələrin müalicəsi ilə məhdudlaşmır, həm də xəstəliyin genişlənməsinin qarşısının alınması, sağlam donor qanının təminatı kimi vacib sahələri əhatə edir.
Səhiyyə Nazirliyi Respublika Qan Bankı “Talassemiyasız həyat naminə” proqramı çərçivəsində mütamadi olaraq paytaxt və bölgələrdə müxtəlif idarə, müəssisə və təşkilatların əməkdaşlarının, ictimaiyyət nümayəndələrinin iştirakı ilə könüllü qan vermə aksiyaları keçirir.
Bu çərçivədə növbəti belə aksiyanın 21 may 2026-cı il tarixində Zaqatala Rayon Mərkəzi Xəstəxanasında təşkil edilməsinə dəstək göstərməyinizi sizdən xahiş edirik. Aksiyada toplanan qanın irsi qan xəstəliklərindən əziyyət çəkən şəxslərin müalicəsində istifadə olunması nəzərdə tutulur.
About the Author
