Düzgün.az xəbər verir ki, Azərbaycan tarixinin şanlı səhifələrindən biri olan 2016-cı ilin Aprel döyüşlərindən 10 il keçir.
Bu döyüşlərdə qəhrəmanlıqla həlak olan şəhidlərimizin əziz xatirəsi respublikanın bütün bölgələrində olduğu kimi, Göyçayda da daim dərin hörmət və ehtiramla anılır.
Bu gün 5 aprel 2026 cı il tarixində Aprel döyüşləri zamanı şəhid olan qəhrəmanlarımızdan biri Göyçay rayon Çaxırli kənd sakini Teymur Mikayıl oğlu Qasımovun məzarı ziyarət edilib.
Ziyarət zamanı şəhidin məzarı üzərinə gül dəstələri qoyulub, əziz xatirəsi ehtiramla yad edilib, ruhuna dualar oxunub.
Qeyd edək ki, 2016-cı ilin aprel ayında Ermənistan Silahlı Qüvvələrinin təxribatlarının qarşısının alınması məqsədilə Azərbaycan ordusu tərəfindən həyata keçirilən əks-hücum əməliyyatları nəticəsində bir sıra strateji yüksəkliklər və yaşayış məntəqələri işğaldan azad edilib.
Dörd gün davam edən döyüşlər Azərbaycan ordusunun gücünü, peşəkarlığını və yüksək döyüş ruhunu bir daha nümayiş etdirib.
