Düzgün.az xəbər veririr ki, Yeni Azərbaycan Partiyası Göyçay rayon təşkilatının kollektivi, 2016-cı il Aprel döyüşləri zamanı şəhid olmuş Qasımov Teymur Mikayıl oğlunun Çaxırlı kəndində yerləşən məzarını ziyarət edib, ruhuna dualar oxuyublar.
Azərbaycan Silahlı Qüvvələrinin əsgəri olan Teymur Mikayıl oğlu Qasımov 28 iyun 1996-cı ildə Göyçay rayonunun Çaxırlı kəndində anadan olub.
O, 2016-cı ilin aprel ayında Azərbaycan-Ermənistan təmas xəttində baş verən döyüşlər zamanı qəhrəmancasına şəhid olub.
Aprelin 5-i isə Teymur Qasımov doğulduğu Göyçay rayonunun Çaxırlı kəndində son mənzilə yola salınıb.
Teymur Qasımov göstərdiyi qəhrəmanlığa görə Azərbaycan Respublikasının Prezidenti İlham Əliyevin Sərəncamına əsasən ölümündən sonra 3-cü dərəcəli “Hərbi xidmətdə fərqlənməyə görə” medalı ilə təltif edilib.
