Düzgün.az xəbər verir ki, 6 mart tarixində 8 Mart – Beynəlxalq Qadınlar Günü münasibətilə Liseyin direktor səlahiyyətlərini icra edən Elxan Əliyev liseyin qadın əməkdaşlarını təbrik edib.
Çıxışında bildirib ki, Azərbaycan xalqı digər əlamətdar bayramlar kimi 8 Martı da bu gün böyük qürurla, alnıaçıq və üzüağ qeyd edir. Azərbaycan qadınının yetişdirdiyi igid övladlar Vətən müharibəsində Müzəffər Ali Baş Komandan, Prezident İlham Əliyevin rəhbərliyi ilə şanlı Qələbə qazanaraq ölkəmizin suverenliyini tam təmin ediblər. Azərbaycan qadınının bayramı bütövlükdə xalqımızın, Vətən və torpaq uğrunda daha sıx birləşmiş cəmiyyətimizin bayramıdır.
Qadınlar həyatın hər sahəsində olduğu kimi təhsil mühitində də böyük rol oynadığını, qadın müəllimlərin zəhməti və qayğısı sayəsində gənclərimiz bilikli,bacarıqlı və vətənə faydalı mütəxəssislər kimi yetişdiyini diqqətə çatdırıb.
Sonda Liseyin qadın əməkdaşlarına hədiyyələr təqdim olunub.
About the Author
