Düzgün.az xəbər verir ki, 25 fevral 2026-cı il tarixində Göyçay Dövlət Peşə Liseyinin akt zalında Göyçay rayonu üzrə gənclər və idman sektoru, Göyçay Peşə Liseyinin birgə təşkilatçılığı ilə “Xocalıya ədalət: Tariximizi unutmayaq” adlı tədbir keçirilib.
Tədbir Azərbaycan Respublikasının Dövlət Himninin səsləndirilməsi və Xocalı soyqırımı qurbanlarının xatirəsinin yad edilməsi ilə başlanıb.
Anım mərasimində çıxış edənlər Xocalı faciəsini xalqımızın tarixində ən dəhşətli və ağrılı hadisələrdən biri kimi dəyərləndiriblər. 1992-ci ilin 26 fevral gecəsi Xocalı şəhərində dinc əhaliyə qarşı törədilən qətliam insanlığa qarşı cinayət olduğunu diqqətə çatdırıblar.”Xocalı faciəsi” xalqımızın iradəsini qıra bilmədiyini, əksinə, milli birliyi və vətənpərvərlik ruhunu daha da gücləndiyini vurğulayıblar.
Sonda Xocalı soyqırımına həsr olunmuş film nümayiş etdirilib.
