Düzgün.az xəbər verir ki, 26 fevral tarixində Kürdəmir Rayon Mərkəzi Xəstəxanasının akt zalında Xocalı soyqırımının 34-cü ildönümünə həsr olunmuş anım tədbiri keçirilib.Tədbirdə xəstəxananın direktoru Elçin Bilalov, xəstəxananın kollektivi iştirak edib.
Tədbir Azərbaycan Respublikasının Dövlət Himninin səsləndirilməsi ilə başlayıb. Xocalı qurbanlarının və bütün şəhidlərimizin əziz xatirəsi bir dəqiqəlik sükutla yad edilib.
Tədbiri giriş sözü ilə açan xəstəxananın direktoru E.Bilalov şəhidlərimizə Allahdan rəhmət, ailələrinə səbir diləyib.Çıxışında bildirib ki, Xocalı şəhəri 1992-ci il fevralın 25-dən 26-na keçən gecə keçmiş SSRİ-nin 366-cı motoatıcı alayının dəstəyi ilə Ermənistan silahlı qüvvələri tərəfindən kütləvi artilleriyadan atəşə tutularaq işğal edilib, həmin gün burada tarixin ən dəhşətli qətliamlardan biri törədilib. Xocalı həqiqətlərinin hər zaman yaşadılmasının və gələcək nəsillərə çatdırılmasının vacibliyini vurğulayıb.
Daha sonra İctimaiyyətlə əlaqələr üzrə mütəxəssis Elvira Cavadova və Hüquqşünas Əliabbas Abdulxalıqov çıxış edərək Xocalı soyqırımının tarixi əhəmiyyəti barədə danışaraq, bu faciənin xalqımızın yaddaşında silinməz iz buraxdığını qeyd ediblər. Beynəlxalq hüquq çərçivəsində Xocalı faciəsinə verilən qiymət və ədalətin təmin olunmasının əhəmiyyətindən bəhs ediblər.
Sonda Xocalı hadisələrini əks etdirən videoçarx nümayiş olunub.
About the Author
