Düzgün.az xəbər verir ki, Birinci Qarabağ müharibəsi zamanı Kəlbəcər rayonunun Yanşaq kəndi və Murovdağ silsiləsinin mühüm yüksəkliklərinin azad olunması uğrunda gedən döyüşlərdə itkin düşmüş hesab edilən, şəxsiyyəti müəyyən edilmiş Bərdə rayonundan olan qəhrəman övladlarımız, 1972-ci il təvəllüdlü Hacıyev Qılman Surxay oğlunun nəşinin qalıqları Kələntərli kənd qəbirstanlığında, 1971-ci il təvəllüdlü Vəliyev Hidayət İsa oğlunun nəşinin qalıqları Zümürxan kənd qəbirstanlığında, 1972-ci il təvəllüdlü Dadaşov Dadaş Şərif oğlunun nəşinin qalıqları rayonun Mollaisalar kənd qəbirstanlığında dəfn edildi.
Dəfn mərasimlərində Bərdə rayon İcra Hakimiyyətinin başçısı Vidadi İsayev, YAP Bərdə rayon təşkilatının, rayonun hüquq-mühafizə orqanlarının, idarə, müəssisə və təşkilatların rəhbərləri, Tərtər rayon İcra Hakimiyyətinin əməkdaşları, şəhid ailələri, müharibə iştirakçıları və rayon ictimaiyyətinin nümayəndələri iştirak ediblər.
About the Author
