Düzgün.az xəbər verir ki, uzun illər itkin kimi qeydiyyatda olan şəhidin nəşinin qalıqları müəyyən edilərək bu gün ailəsinə təhvil verilib.
Ailəsinin və yaxınlarının yolunu gözlədiyi Cavanşir Həsənovun nəşinin tapılması və şəxsiyyətinin müəyyən olunması dövlətimizin şəhidlərimizə, itkin düşmüş soydaşlarımıza göstərdiyi diqqət və qayğının bariz nümunəsidir.
Şəhid Həsənov Cavanşir İsrafil oğlu Balakən rayon Şəhidlər xiyabanında dəfn olunub.
Dəfn mərasimində Balakən Rayon İcra Hakimiyyətinin başçısı Natiq Ağayev, hüquq-mühafizə orqanlarının rəhbərləri, şəhid ailələri və ictimaiyyət nümayəndələri iştirak ediblər.
Qeyd edək ki, Cavanşir Həsənov 1967-ci ildə Balakən rayonunun Hənifə kəndində anadan olub. O, könüllü olaraq I Qarabağ müharibəsində iştirak edib. 1992-ci il iyunun 12-də Ağdam rayonu Surxavənd kəndi istiqamətində gedən döyüşlər zamanı itkin düşüb. Cavanşir Həsənov ailəli idi. İtkin düşməsindən sonra, 10 sentyabr 1992-ci ildə oğlu dünyaya gəlib və atasının xatirəsini yaşatmaq üçün ona Cavanşir adı verilib.
About the Author
