“Düzgün.az” “Tasnim”ə istinadən xəbər verir ki, İran və Rusiya silahlı qüvvələri 19 fevralda Oman dənizində və Hind okeanının şimalında (cənub liman şəhəri Bəndər Abbasda) birgə dəniz təlimləri keçirəcək.
İran kontr-admiralı Həsən Məqsudlunun sözlərinə görə, təlimlərin əsas məqsədi Oman dənizində və Hind okeanının şimalında təhlükəsizliyi və davamlı dəniz əməkdaşlığını gücləndirməkdir. O qeyd edib ki, birgə dəniz əməkdaşlığının genişləndirilməsi və iki ölkənin donanmaları arasında birgə əməliyyatların hazırlanması və aparılması sahəsində əlaqələrin gücləndirilməsi də təlimlərin məqsədləri arasındadır.
Məqsudlu əlavə edib ki, təlimlərin əsas elementləri dəniz təhlükəsizliyini təhdid edən fəaliyyətlərə qarşı mübarizə aparmaq üçün birgə hərəkətlərin yaxınlaşmasını və əlaqələndirilməsini təşviq etmək, xüsusən də ticarət gəmilərinin və neft tankerlərinin qorunması və dəniz terrorizminə qarşı mübarizə aparmaqdır.