Düzgün.az xəbər verir ki, 13 yanvar tarixində Göyçay Dövlət İdarəetmə və Texnologiya kollecində payız imtahan sessiyası çərçivəsində “Açıq Qapı” günü təşkil olunub.
Görüşdə kollecin direktoru Ramil Vəliyev, pedaqoji heyət, “Düzgün.az” xəbər saytının xüsusi müxbiri Gülşən Muradova, valideynlər və tələbələr iştirak ediblər.
Kollecin direktoru R. Vəliyev çıxış edərək imtahan prosesi, tələbələr üçün yaradılan digər imkanlar və tələbə həyatı haqqında ətraflı məlumat verib.
Daha sonra media nümayəndəsini və valideynləri maraqlandıran sualları cavablandırıb.
Sonra görüş imtahan zalında keçirilib.İmtahanın gediş prosesi canlı izlənilib.
Qeyd edək ki, “Açıq Qapı” günü keçirilməsində məqsəd kollecin tədris mühiti,imtahan infrastrukturu ilə valideynləri tanış etmək, onların övladlarının təhsil həyatında iştirakına dəstək göstərməkdir.
Düzgün.az xəbər saytının xüsusi müxbiri Gülşən Muradova