Düzgün.az xəbər verir ki, əfsanəvi braziliyalı futbolçu Roberto Karlos təcili olaraq xəstəxanaya yerləşdirilib və ürək əməliyyatı keçirib.
Bu barədə İspaniyanın AS qəzeti yazıb.
52 yaşlı Karlosun ayağında kiçik bir qan laxtası aşkarlanıb. Sonradan MRT müayinəsi zamanı ürək anomaliyaları aşkar edilib. Futbolçu dərhal kateter qoyulması üçün xəstəxanaya yerləşdirilib.
Nəşrin məlumatına görə, 40 dəqiqə davam etməli olan əməliyyat ağırlaşmalar səbəbindən təxminən üç saat uzanıb. Roberto Karlosun həyatı və sağlamlığı hazırda təhlükə altında deyil. O, daha 48 saat müşahidə altında qalacaq.