Düzgün.az xəbər verir ki, Göyçay Dövlət Peşə Liseyində yeni qəbul olan tələbələrin valideynləri ilə görüş keçirilib.
Görüşdə liseyin direktor əvəzi Elxan Əliyev, liseyin tərbiyə işləri üzrə direktor müavini Bahar Bədəlova, pedaqoji kollektiv və valideyinlər iştirak ediblər.
İclasda çıxış edən Elxan Əliyev tələbələrin dərsə davamiyyəti, fəallığı,intizamı, davranış qaydalarına əməl etmələri, məktəb-valideyn əməkdaşlığı və onların təhlükəsizliyi məsələlərini diqqətə çatdırıb.Bildirib ki, gerçəkləşdirilən görüş valideynlərin təhsil müəssisəsi ilə yaxından tanışlığı, tələbələrin hərtərəfli inkişafında müəllim-valideyn vəhdətinin gücləndirilməsi məqsədi daşıyır.
Daha sonra müəllimlər çıxış edərək bu cür görüşlərin təşkilinin həm tələbə, həm də müəllim heyəti üçün böyük əhəmiyyət daşıdığını, müəllim-valideyn münasibətlərinin davamlı olmasının tələbələrin inkişafının uğurlu təməllər üzərində qurulmasına xidmət etdiyini bildiriblər.
Sonda valideynlərin təklif və sualları dinlənilib və cavablandırılıb.
Səbuhi Eltonlu
