Düzgün.az xəbər verir ki, 17 noyabr tarixində Göyçay Dövlət Peşə Liseyinin akt zalında alkoqolizm və narkotik vasitələrin törətdiyi fəsadlar mövzusunda maarifləndirici tədbir keçirilib.
Tədbirdə liseyin direktor əvəzi Elxan Əliyev, liseyin pedaqoji kollektivi, Göyçay rayon Mərkəzi xəstəxanasının həkim psixatrı Səməd Səmədov və tələbələr tələbələr iştirak ediblər.
Tədbiri giriş sözü ilə açan Elxan Əliyev görüşün keçirilməsində məqsəd alkoqolizim, narkomaniya və digər zərərli vərdişlərin fəsadları,insanların sağlamlığa vurduğu ziyanlarla bağlı tələbələr arasında təbliğatı gücləndirmək,təhsilə,elmə olan marağı artırmaq məsələlərini müzakirə etməkdən ibarət olduğunu diqqətə çatdırıb.
Daha sonra çıxış edən Səməd Səmədov narkomanlığa və alkoqolizmə qarşı mübarizə üsulları, sözügedən vasitələrin cəmiyyət üçün yaratdığı sosial və tibbi problemlər, onların törətdiyi fəsadlar, asılılığın formalaşma mərhələləri, həmçinin mənəvi-əxlaqi dəyərlər barədə ətraflı məlumat verib. Həmçinin alkoqolizm və narkotik vasitələrin insan orqanizminə və psixoloji sağlamlığa zərərli təsirlərini izah edib.Çıxışın sonunda bütün tələbələrə zərərli vərdişlərdən çəkinməyi və sağlamlıqlarını qorumağı bildirib.
About the Author
