Düzgün.az xəbər verir ki, Beynəlxalq Futbol Assosiasiyaları Federasiyası (FIFA) 2026-cı il dünya çempionatı öncəsi ofsayd qaydasını dəyişməyi düşünür.
Yeni mətndə nəzərdə tutulub ki, oyunçu yalnız bütün bədəni topdan və sonuncudan ikinci olan müdafiəçidən daha çox rəqibin qapısına yaxın olduqda ofsayd hesab ediləcək.
Təklif olunan dəyişiklik oyunçunun bədəninin bir hissəsinə əsaslanaraq ofsaydın müəyyən edildiyi mübahisəli vəziyyətləri aradan qaldırmaqla hakimliyi asanlaşdırmaq məqsədi daşıyır. Qayda dəyişikliyi ilə bağlı yekun qərarın 2026-cı ilin martında FİFA Konqresində qəbul ediləcəyi gözlənilir.
2026-cı il dünya çempionatı iyunun 11-dən iyulun 19-dək ABŞ, Kanada və Meksikada keçiriləcək.