Düzgün.az xəbər verir ki, 17 oktyabr 2025-ci il tarixində Göyçay Dövlət Peşə Liseyinin akt zalında “Konstitusiya və Suverenlik ili” çərçivəsində “18 Oktyabr – Müstəqilliyin Bərpası Günü” münasibətilə tədbir keçirilib. Peşə Liseyinin və Göyçay Gənclər evinin birgə təşkilatçılığı ilə keçirilən tədbirdə liseyin pedaqoji kollektivi, tələbələr və Göyçay Gənclər evinin metodisti Həmidə Məcidli iştirak edib.
İlk əvvəl torpaqlarımızın azadlığı uğrunda canında keçən şəhidlərimizin əziz xatirəsi bir dəqiqəlik sükutla yad edilib.Tədbirdən liseyin müəllimləri 44 günlük Vətən müharibəsində şəhidlik zirvəsinə yüksələn Kənan Ömərlinin anası Məhluqə Ömərova, liseyin tərbiyə işləri üzrə direktor müavini Bahar Bədəlova, Həqiqət Rəcəbova və metodist Həmidə Məcidli çıxış edərək müstəqilliyin tarixi əhəmiyyəti, şəhidlərimizin qəhrəmanlığı və gənclərin bu dəyərlərin qorunmasındakı rolundan danışıblar.
Çıxışlarda qeyd olunub ki, Ümummilli Lider Heydər Əliyevin 1993-cü ildə hakimiyyətə qayıdışı Azərbaycanın dövlət müstəqilliyinin qorunması və möhkəmləndirilməsi yolunda dönüş nöqtəsi olubdur. Onun uzaqgörən siyasəti nəticəsində ölkəmizdə sabitlik bərpa edilib, dövlətçiliyin təməli möhkəmləndirilmiş və Azərbaycan beynəlxalq aləmdə öz layiqli yerini tutubdur.
Tədbirin sonunda Ümummilli Lider Heydər Əliyevin həyat və fəaliyyətinə həsr olunmuş videoçarx nümayiş etdirilib. Videoçarxda Heydər Əliyevin müstəqil Azərbaycan dövlətinin quruculuğundakı rolu və milli lider kimi xalqın yaddaşında əbədi iz qoyan xidmətləri vurğulanıb.
About the Author
